Un viaje extraordinario. El efecto espejo de los océanos

Un viaje extraordinario. El efecto espejo de los océanos é o título dunha exposición que traza un percorrido visual e didáctico arredor dunha serie de preguntas e historias que emerxen dos océanos a partir do imaxinario do cinema ou a literatura, deseños paradigmáticos, obxectos e obras de arte, así como voces clave que estudaron os océanos e proxectaron o que sabemos sobre eles.

O cartel e a gráfica expositiva parten dunha peza do artista Vítor Mejuto cunha escafandra antiga que nos traslada ás aventuras de Jules Verne (Xulio Verne). Comisariada por David Barro e presentada en CentroCentro en maio de 2023, a mostra pretende facernos reflexionar sobre a importancia dos océanos; porque se estes son o noso espello debemos pensar o noso futuro en complicidade con eles.