Reva Portillo. Especialista en Accesibilidad Universal e Inclusión.

Portillo ten a súa propia entrada no dicionario da RAE como: “abertura nunha muralla, parede ou tapia”.

Este naming tan inmellorable é o punto de partida para unha identidade moi sinxela na que a imaxe só debe seguir a palabra, xa que a accesibilidade trata precisamente de abrir portas que antes non existían e de derrubar murallas para abrir paso a unha realidade mellor.

Como referencias visuais tomáronse, por unha banda, o modo de marcar as portas nos planos de arquitectura e, en segundo lugar, a forma que adoptan os globos de diálogo nos cómics.

A premisa fundamental para a identidade dunha experta en accesibilidade era dar cunha solución moi sinxela e facilmente recoñecible, polo que se optou por compoñer o seu nome en Atkinson Hyperlegible, unha tipografía especificamente deseñada con criterios de inclusión.

O conxunto complétase cun marco que contén o nome deixando unha porta aberta e, por último, o pé explicativo “Especialista en Accesibilidade Universal e Inclusión”.