FLAMINGLOVEANDDESTINY

O libro FLAMINGLOVEANDDESTINY reúne as instalacións pictóricas realizadas polo artista alemán Markus Linnenbrink en distintos lugares do mundo. As súas pinturas invaden o espazo arquitectónico con grandes franxas de cor que distorsionan a perspectiva.

Para representar este traballo sen mostralo directamente, recorreuse ao uso de cores brillantes e saturadas que forman parte da gama habitual do artista e a unha composición que remite directamente á súa obra: o texto en maiúsculas dispúxose en catro sólidas listas de cor, cuxa inclinación trata de trasladar ao propio libro a sensación de desequilibrio que se experimenta ao adentrarse nas instalacións.

A encadernación é en tapa dura con stamping rosa flúor sobre tea verde brillante e gardas laranxas. O libro leva por título FLAMINGLOVEANDDESTINY, o mesmo que a intervención na Fundación DIDAC, que é a entidade que edita o volume. O artista alemán ocupou a totalidade do espazo da Fundación para convertelo nunha pintura habitable de enormes dimensións e, con motivo da exposición, editouse este volume que trata de reflectir todo o seu proceso.

O interior está dividido en dous bloques: o primeiro, en papel offset rugoso, recolle unha conversa entre o artista e o comisario con imaxes documentais do desenvolvemento, algunhas impresas en branco e negro e outras en monotono verde flúor, mentres que a segunda parte do libro cede todo o protagonismo á obra con grandes fotos a sangue sobre papel estucado para reproducir fielmente as vivas cores das pinturas.

MARKUS LINNENBRINK FLAMINGLOVEANDDESTINY
208 x 250 mm
162 páginas
ISBN: 978-84-92772-82-7
Edición bilingüe: castellano/inglés
Editado por Fundación DIDAC/DARDO
Textos: David Barro / Markus Linnenbrink
Diseño: Dardo (Cristina Moralejo)
Impresión: Agencia Gráfica
Encuadernación: Legatoria
Fotografías de la Fundación DIDAC: Roi Alonso
Fotografías de proceso: Carmen Verdú Barceló
Tipografía: Geomanist (Atipo)