361+1. Axenda Xacobea

365+1 é un proxecto editorial de Turismo de Galicia, ideado e documentado por Manuel F. Rodríguez en forma de calendario de eventos relacionados co Camiño de Santiago, que sae á luz co comezo do Xacobeo 2021.

A axenda recolle en cada unha das súas 365+1 entradas (incluíndo anos bisestos) algún feito histórico acontecido ese día ao longo dos doce séculos de existencia do Camiño. Algúns deles preséntanse cun tratamento gráfico especial: con iconas identificativas para os relacionados con Galicia ou co Ano Santo. A información acompáñase de fermosas fotografías do Camiño de Manuel Valcárcel e Ovidio Aldegunde, que introducen o comezo de cada mes.

O proxecto divulgativo amplíase coa versión en liña do calendario, que se pode consultar diariamente na web do Xacobeo 2021 e que ofrece, ademais da reseña diaria, as fontes bibliográficas e documentais das que se nutre.